Deputeti i Partisë Demokratike, Oerd Bylykbashi ka sulmuar sot kryeministrin Rama, të cilin e akuzon se i ka shitur territorin e Shqipërisë grekëve.
Bylykbashi denoncon marrëveshjen, për të cilën thotë se është bërë në fshehtësi dhe në shkelje të Kushtetutës, ndërsa shkruan se Gjykata është në kolaps teksa nuk merr dot asnjë vendim pasi nga 9 anëtarë, vetëm 5 prej tyre janë sot në detyrë me mandat të plotë.
“Rama po bllokon zëvendësimin e vendeve bosh. A mos valle Rama e bllokon Gjykatën Kushtetuese që në këtë Rrëmujë të Drejtësisë të bëjë fakt të kryer shitjen e detit dhe Gjykata të mos e anulojë marrëveshjen?”, shkruan ndër të tjera deputeti demokrat.
Reagimi i plotë:
Gjykata Kushtetuese peng i shitjes se detit?
Rama i ka shitur territorin e Shqiperise grekeve! Tregtari i kufinjve ka bere marreveshje ne fshehtesi dhe ne shkelje te Kushtetutes. Askush nuk di c’fare interesi tjeter kombetar ka tregtuar per pushtetin e tij.
Gjykata Kushtetuese eshte ne kolaps. Nuk merr dot vendime. Nga 9 anetare, vetem 5 jane sot ne detyre me mandat te plote. Rama po bllokon zevendesimin e vendeve bosh.
A mos valle Rama e bllokon Gjykaten Kushtetuese qe ne kete Rremuje te Drejtesise te beje fakt te kryer shitjen e detit dhe Gjykata te mos e anuloje marreveshjen?
P.S.: sa here Rama ben ndonje zullum e quan reforme. Shihni kur ta quaje kete Reforma e Detit. Kesaj radhe ata qe do duartrokasin do te jene ne Athine.
