Ministri i Punëve të Jashtme Ditmir Bushati ka takuar Ministrin Përgjegjës për Investimet e Huaja të Maqedonisë Ramiz Merko.
Në takim u diskutua mbi ligjin e gjuhës shqipe, ku të dy ministrat theksuan se përshpejtimi i Ligjit për Përdorimin e Gjuhëve dhe arritjen e barazisë ndëretnike, janë parakusht për avancimin e perspektivës euro-atlantike të Maqedonisë.
Gjatë takimit u vlerësua roli konstruktiv i faktorit politik shqiptar në qeverinë e re, si dhe u diskutua mbi rritjen e bashkëpunimit ekonomik dhe mënyrat për të shfrytëzuar maksimalisht potencialin ekzistues ndërmjet Shqipërisë dhe Maqedonisë.
