Ministri Ditmir Bushati ka uruar sot studentët në nisjen e vitit të ri akademik. Në një postim në Facebook, Bushati ka edhe një mesazh për të rinjtë.
Ai shkruan se të rinjtë janë përfituesit më të mëdhenj të procesit të integrimit europian, por edhe humbësit më të mëdhenj nga sherrnajat politike të brendshme.
Në fund, ministri i Jashtëm bën thirrje që studentët të përfshihen në jetën publike.
Postimi i Bushatit:
“Suksese të gjithë studentëve në mbarë vendin për vitin e ri akademik! Rruga që keni nisur sot nuk është një rrugë me petale e as me gjemba, po një rrugë që duhet të bazohet fort te dija dhe te puna. Investoni në dije për veten, familjen dhe atdheun tonë të përbashkët.
Ju jeni oponentët e vërtetë të punës sonë dhe testi final i reformave të ndërmarra, arritjeve dhe dështimeve tona. Ju jeni në fakt përfituesit më të mëdhenj të procesit të integrimit europian, por njëkohësisht edhe humbësit më të mëdhenj nga sherrnajat politike të brendshme.
Prandaj, përfshirja juaj aktive në jetën publike është investimi më i sigurtë i të ardhmes sonë europiane.
#Youth4EU #Albania4EU”, shkruan Ditmir Bushati.
