Një burrë ka hipur në një shtyllë tensioni, nga ku kërcënon se do të hidhet. Ngjarja po ndodh në Lundër, ndërsa mësohet se arsyeja që e ka shtyrë burrin drejt këtij veprimi është dëmtimi i shtëpisë së tij për shkak të rrëshqitjes së tokës.
Informacioni paraprak
Me datë 18.01.2018, rreth orës 13:10, në Sallën Operative ka ardhur një telefonatë se në Lundër , se një shtetas ka hipur në shtyllën e një tensioni të lartë dhe tenton të dëmtoje veten.
Menjëherë në vendngjarje kanë shkuar shërbimet e Policisë, Ambulanca dhe Zjarrëfiksja ku ka rezultuar se:
Në Lunder, pranë një qendre tregtare shtetasi S.D., ka hipur në shtyllën e tensionit të lartë dhe kërcënon se do të vetdëmtohet, pasi sipas tij ka rrëshqitur toka dhe i ka dëmtuar shtëpinë.
Shërbimet e Policisë ndodhen në vendngjarje dhe po negociojnë për ta zbritur.
