Familja pesë anëtarëshe e Lumturi Merraj në Burrel jeton në kushte të rënda ekonomike, ndërsa “Fundjavë Ndryshe” dhe emisioni “Stop” kanë shkuar tek familja, ndërkohë duke parë kushtet e vështira, ajo është ndihmuar me veshmbathje, lavatriçe, mobilje, frigorifer dhe një vlerë financiare 300 mijë lekë të vjetra.
Tre djemtë e kësaj familje, vuajnë nga prapambetja mendore, ndërsa është nëna Lumturi Merraj, e cila mban familjen, pasi edhe burri i saj është në karrocë.
“Unë jam Lumturi Merra, jam 42 vjeçe, jemi pesë anëtarë familje, dy bashkëshortët dhe 3 fëmijët. 3 pjesëtarë të kësaj vuajnë nga prapambetja mendore. Kam tre djem, i kam të sëmure, trajtohem për 290 për tre fëmijë. S’kemi as shtëpi, s’kemi as ku me fjetë”-u shpreh Lumturi Merra.
Ndërkohë drejtuesi i “Fundjavë Ndryshe”, Arbër Hajdari është shprehur se kësaj familje i janë dërguar ushqime, pajisje elektroshtëpiake, ndërsa vetë Lumturia ka falënderuar ndihmën e dhënë dhe ushqimet e sjella. Ai u shpreh se kjo familje është identifikuar 1 muaj më parë, ndërsa sot kemi sjellë ndihmë për të.
“Sot kemi sjellë shumë ndihma, e kemi zbuluar 1 muaj më parë. I sollën shume ndihma, ushqime, sollëm edhe një karrocë”-tha ai.
“Të kam për vëlla, dua ta puthë këtë djalë. Ju bekoftë zoti, siç keni menduar ju për familjen time”-tha Lumturi Merra
Ndërkohë përfaqësuesja e zyrës administrative Derjan është shprehur se “Familja përbëhet nga 5 persona, ndihmë ekonomike merr vetëm 11 mijë lekë. Tani, këto 3 persona janë me prapambetje të lehtë mendore dhe marrin nga 103 mijë lejë të vjetra dhe nuk kanë kujdestari, por kujdestarinë e tyre e vendos KEMP-i
Teksa është pyetur anëtarja e KMCAP-së, se përse nuk përfiton kjo familje, ajo është shprehur se bazuar në ligj, kjo nuk i takon.
“Prapambetja e lehtë dhe e mesme nuk merr kujdestari, ti shko drejtohu kryetarit të KEMPI-t, që firma e tij ka vlerën e 200 % të firmës sime. Sepse nuk u takon me ligj”-shprehet ajo.
Kryetari i komisionit mban të njëjtin qëndrim,teksa shprehet se problemi nuk është tek puna tij, por e kanë nën patronazh të kempit qendror “Nuk e vlerësojmë këtë ne moj zonjë, por e vlerëson Kempi epror, i kam çuar për vlerësim për grup të parë, por ata e kanë vlerësuar si grup të dytë”
