Pas ngjarjes së rëndë të ndodhur në zonën e ish-Bllokut, Elvana Gjata është larguar drejt Anglisë. Një informacion i tillë është konfirmuar nga burime të afërta pranë të fejuarit të saj Ervin Mata. Ky i fundit është i shpallur në kërkim nga policia.
Këngëtarja, dyshohet se ka qenë “mollë sherri”, ku mbeti një i vrarë dhe dy të plagosur, në një lokal në ish- Bllok. Por të njëjtat burime kanë konfirmuar se atë natë Elvana kishte shkuar në lokal për t’i marrë diçka të fejuarit të saj.
Ervin Mata, kishte qenë i shoqëruar në tavolinë nga komando Melvjol Bilo, dhe Fabjol Alushi. Edhe këtë dy të fundit janë të shpallur në kërkim nga policia.
Ajo i kishte marrë diçka Ervinit dhe ka qenë duke dalë nga lokali, Fabjol Gaxha e ka parë drejt këngëtaren. Një gjest i tillë nuk ka kaluar pa u vënë re nga partneri i saj Ervin Mata dhe miqtë e tij.
I pari që ka kërkuar llogari ka qenë truproja e Elvana Gjatës, Melvjol Bilo i cili është përplasur fizikisht me Fabjol Gaxhën dhe pastaj ka nisur shkëmbimi i zjarrit. Nga të shtënat mbeti i vrarë Fabjol Gaxha dhe u plagosën Ervis Martinaj dhe Eljo Hato.
Ndërsa të tjera burime pranë të fejuarit të Elvanës, thonë se çifti prej me shumë se 2 vitesh jetonin bashkë . Ata kishin blerë një shtëpi në kryeqytet. Ata gjithmonë kanë qenë në lëvizje, për shkak të projekteve të këngëtares. Së fundmi çifti kishin planifikuar që të udhëtonin bashkë drejt Anglisë. Sherri në ish-Bllok u ka prishur planet dy të rinjve. Këngëtarja pas dhënies së dëshmisë së saj në Policinë e Tiranës, është larguar e vetme drejt Britanisë së Madhe./TIRANA TODAY/
