Prindërit që pretendohet se burgosën dhe torturuan 13 fëmijët e tyre, duke i mbajtur disa prej tyre të lidhur dhe zinxhirë, janë ndaluar t’i kontaktojnë me ta, nga një gjykatës në Kaliforni.
David dhe Louise Turpin u urdhëruan të qëndronin 100 metra nga vëllezërit e motrat të cilët u torturuan nga ata. Ata do të jenë në gjendje të komunikojnë vetëm përmes avokatëve dhe përkthyesve.
Burri 56-vjeçar dhe gruaja 49-vjeçare e tij u prangosën ndërsa u paraqitën në Gjykatën e Lartë të Shtetit në Riverside të Kalifornisë. Gjatë seancës së tyre të parë të shkurtër, Louise Turpin ishte parë duke qeshur me burrin e saj.
Çifti është akuzuar për torturë, burgim, dhe akuza të tjera kundër fëmijëve të tyre, moshat e të cilëve varionë midis dy dhe 29 vjeç.
David Turpin gjithashtu është akuzuar se ka abuzuar seksualit me njërin nga fëmiëjt e tij. Të dy kanë deklaruar se nuk janë fajtorë ndaj akuzave me të cilat ballafaqohen. Nëse dënohen, të dy përballen me 94 vjet burg.
Fëmijët, të cilët u shpëtuan pasi njëri prej tyre iku nga shtëpia e familjes në qytetin e Perris, janë në spital.
