Drejtoria e Burgjeve ka nisur procedurat për blerjen e produkteve ushqimore për të burgosurit që vuajnë dënimi në 23 institucione, të cilat administrohen drejtpërdrejt nga ky organ. Tenderi është i ndarë në 6 lote dhe sipas kategorive të ushqimeve, do të lidhen 6 kontrata me afat 2-vjeçar, për të bërë furnizim me produkte të rregullta dhe të freskëta.
Për blerjen e bulmetit dhe të vezëve do të shpenzohen 195,6 milionë lekë pa TVSH. Ndërsa në listë e parashikimeve parashikohen mbi 4,3 milionë kokrra vezë, 912 mijë litra qumësht, 17, 500 kilogramë gjalpë dhe 143 mijë kg djathë.
Nga ana tjetër për blerjen e ushqimeve bazë si Oriz, fasule, sheqer, vaj apo dhe makarona është përcaktuar një fond limit në shifrën e 106,4 milionë lekësh. Do t’i kushtojnë më pak buxhetit, ndërkohë ushqimet bazë, lot i tenderit ky që përfshin marmalatën, salcën, kripën dhe çajin. Me një fond limit prej 31,3 milionë lekësh, ky është edhe loti me vlerën më të ulët nga tenderat e nisur nga Drejtoria e Burgjeve.
Tenderi më i kushtueshëm është ai për blerjen e mishit, i cili ka një fond prej 196 milionë lekesh, por me një afat kontrate prej 20 muajsh. Nevoja e porositur për këtë periudhë do të jetë rreth 312.6 ton mish viçi, i cili sipas dokumenteve të tenderit kërkohet të jetë i freskët, i vulosur nga kontrolli veterinar dhe të transportohet me mjete frigoriferike.
“Një tender gjithashtu i rëndësishëm është ai i frutave dhe perimeve, i cili kap vlerën e 120 milionë lekëve pa TVSH. Në porosinë dy-vjeçare përfshihen 438 ton fruta të ndryshme dhe 1,350 ton perime, nga ku 297 ton patate dhe 216 ton qepë”-shkruan Scan. Procedurat për blerjen e ushqimeve mbyllen me tenderin për blerjen e bukës, i cili do të ketë gjithashtu një kontratë 2-vjeçar për furnizim ditor. Për mbi 2 milionë kilogramë bukë gruri, fondi limit nga Drejtoria e Përgjithshme e Burgjeve është caktuar 170 milionë lekë. Në total, vlera për blerjen e ushqimeve për 23 institucionet kap shifrën e 821,3 milionë lekëve.
