Pas vendimit që e dënoi me 3.5 vjet burg për korrupsion, politikani më i rëndësishëm në Rumani, Liviu Dragnea, është shoqëruar me fishkëllima dhe letra tualeti në fytyrë teksa shoqërohej nga policia. Liviu Dragnea, kryetar i Dhomës së Ulët të Parlamentit rumun u dënua me tre vjet e gjysmë heqje lirie, për abuzim me postin.
Mjaft të entuziasmuar nga vendimi i gjykatës, turma e protestuesve kanë shoqëruar politikanin e lartë të cilit iu vunë prangat në banesën e tij në Bukuresht.
Kreu i Partisë Social Demokratike, Liviu Dragnea kishte apeluar vendimin pasi u shpall fajtor për nxitjen e të tjerëve për të kryer ‘shpërdorim detyre’. Ai akuzohet se ka krijuar vende fiktive pune për anëtarët e partisë së tij.
