Albert Bunjaku pak ditë më parë ka shprehur hapur se mund të largohet nga drejtimi i kombëtares së Kosovës. Por kërkon që këto dy ndeshje të mbetura të tregojnë autoritet dhe të kërkojmë me çdo kusht një fitore kundra Ukrahinës.
“Përqendrimi jonë do të jetë me Ukrainën. Barazimi për ne nuk mjaftojnë në asnjërën ndeshje, do të shkojmë për fitore. Ukraina na përshtatet më shumë. Do të jetë një ndeshje e hapur ku mund të rrezikojmë, pastaj me Islandën është ndeshja e fundit dhe atyre nuk iu lejohet të gabojnë”, shtoi Bunjaku.
Kosova do të stërvitet sot në Adem Jashari.
Kosova së pari luan të premten ndaj Ukrainës në stadiumin “Loro Boriçi” të Shkodrës, kurse ndeshjen e dytë e zhvillon të hënën si mysafire e Islandës.
Selektori i Përfaqësueses së Kosovës, ka publikuar listën e lojtarëve të ftuar për dy ndeshjet e radhës kualifikuese për Kupën e Botës 2018.
Ato do të jenë ndaj Përfaqësueses së Ukrainës dhe Islandës.
Kosova në këto dy takime do të jetë pa Herolind Shalën, Arbër Zenelin, Enis Alushin dhe Benjamin Kolollin, të gjithë këta për shkak të lëndimeve.
Për ndeshjen e parë ndaj Ukrainës në Loro Boriçi të Shkodrës, Albert Bunjaku nuk do të mund të llogaritë edhe në shërbimet e Bernard Berishën e Valon Berishën, kjo pasi dyshja sulmuese janë të suspenduar për shkak të kartonëve të verdhë.
Vlen të theksohet se Bersant Celina është kthyer në Përfaqësuese së bashku me Alban Pnishin, Elbasan Rashanin, Falmur Kastrati, Visar Bekajn dhe Fidan Alitin.
Takimet ndaj këtyre kundërshtarëve jo të lehtë do të zhvillohen me 6 dhe 9 tetor të 2017.
Lista e plotë:
