Kryebashkiaku i Tiranes, Erion Veliaj, inauguroi hapjen e segmentit të dytë të bulevardit të ri të Tiranës, që tashmë lidhet me rrugët në lindje dhe perëndim të kryeqytetit, duke ndihmuar qarkullimin për banorët e Bregut të Lumit. I pranishëm në këtë inaugurim ishte edhe kryeministri Rama, i cili gjatë fjalës së tij vlerësoi shpejtësinë dhe cilësinë e punimeve.
“Sikur ky Bulevard të ndërtohej me ritmin që u fillua 4 vite përpara zgjedhjes së Veliajt kryebashkiak, do të duheshin 60 vite të arrihej këtu ku ka arritur Veliaj. Në të gjithë zonën e lumit kemi një park që i shtohet përmasës së gjelbër të Tiranës”, tha ai.
Më tej kryeministri Rama uroi që në këtë zonë të ngrihen sa më shumë kulla të reja. Debatin për këto të fundit ai e quajti “debat idiot” pasi sipas Ramës bëhet fjalë për zhvillime të domosdoshme nga të gjitha aspektet.
“Me vlerë është dhënia e lejeve të ndërtimit për bllokun e ri që parashikon projekti. Kostoja e ndërtimeve në Tiranë e lartë. Sepse shpronësimet një zë zë rëndësishme në shpenzimet tona. Sot po hedhim një hap të rëndësishëm”, u shpreh Rama.
