Mediat shqiptare publikuan sot lajmin se shumë shtetas grekë janë ndaluar të hyjnë në Kakavijë për të marrë pjesë në meshën për të 40-tat e Kostandin Kaçifas.
Mediat publikuan shifra të ndryshme, por policia greke ka konfirmuar numrin e saktë të shtetasve të saj që u është ndaluar të hyjnë në Shqipëri.
E përditshmja greke “Ekathimerini” shkruan se janë 98 grekë që u ndaluan sot nga policia shqiptare që të hyjnë në Shqipëri.
Me anë të një njoftimi të shpërndarë për median vendase, policia greke deklaroi se 98 grekë të tjerë u mohuan të hyjnë në vend për shkak të mungesës së dokumentacionit ose të një liste të personave të ndaluar.
Gjithashtu, në njoftim konfirmohet arrestimi policit grek, 35-vjeçar. Polici nga Igumenica u identifikua vetëm nga inicialet MG. Ai po shkonte në fshatin Bularat për të marrë pjesë në një ceremoninë përkujtimore e të ndjerit, Konstantino Kacifas.
Kujtojmë se Kacifas u vra nga RENEA më 28 tetor 2018 gjatë përleshjeve me efektivët e forcave, pasi qëlloi ndaj këtyre të fundit, ndërkohë gjatë ceremonisë së varrimit pati thirrje ekstremiste anti shqiptare. TIRANA TODAY
