Prindërit dhe gjyshërit tanë u rritën me bukën e misrit dhe vazhdojnë ende ta pëlqejnë atë.
Sigurisht, nuk mund të themi të njëjtën gjë për brezat e rinj. Përmbajtja e kësaj buke është misri, i cili është një burim fibrash që, jo vetëm rregullon lëvizjet e zorrëve, por edhe përthith kolesterolin dhe ul nivelin e sheqerit në gjak.
Jo vetëm kaq, por buka e misrit është shumë e këshillueshme, për shkak të përmbajtjes së kalciumit, hekurit, magnezit, fosforit, kaliumit, acidit folik si dhe të vitaminave, A, B-6 dhe B12.
Varianti më i mirë i bukës së misrit është ai që përgatitet në shtëpi, pasi bukët që shiten në markete shpesh përmbajnë sodë, sheqer dhe yndyrna.
Edhe studime të fundit theksojnë vlerat e kësaj buke, pasi rezulton se ajo përmban të dhjetë aminoacidet e nevojshme të cilat kur futen në organizëm rregullojnë funksionet e organeve, proceset e qelizave dhe rritjen e qelizave të trupit.
Përgjithësisht, ushqimet e verdha dhe ngjyrë portokalli janë të pasura me beta karoten, një substancë e nevojshme që kthehet në vitaminë A dhe redukton rreziqet e tumoreve, sëmundjeve të zemrës dhe plakjen.
