Portieri italian, Xhanluixhi Bufon dhe agjenti i tij, po diskutojnë një transferim të mundshëm tek skuadra greke e Olimpiakosit.
Media greke “Gazzetta.gr”, publikoi disa kohë më parë një lajm ku shkruante se kishte pasur një bisede mes presidentit të klubit grek dhe vetë Bufon.
Për këtë çështje ka folur dhe vetë agjenti i Bufon, Silvano Martina, i cili u shpreh se nuk ka pasur një ofertë zyrtare nga Olimpiakosi, por nëse do të vinte do ta pranonin me kënaqësi.
“E vërteta është se ne nuk kemi marrë një propozim zyrtar nga Olimpiakos. Dy ose tre persona më kanë telefonuar dhe më kanë thënë se janë persona afër presidentit të Olimpiakos, duke theksuar me besim se ai do të bëjë një propozim zyrtar shumë shpejt. Bufon ka dëshirë të luajë tek Ompiakos. Është një ekip i shkëlqyeshëm, i njohur, luan dhe në Ligën e Kampionëve”, tha ai.
