Italia do të presë të hënën në “San Siro’ Suedinë, për të bërë përmbysjen e madhe dhe për të siguruar pjesëmarrjen në Botërorin e Rusisë. Në konferencën për mediat bashkë me trajnerin Ventura ka qenë edhe Buffon. Ky i fundit ka pranuar që presioni është i madh mbi ekipin, por është i bindur që do t’ia dalin ta përmbysin rezultatin.
“Duke parë situatën që ndodhemi, duhet të pranoj se ka shumë tension. Duam të përmbysim rezultatin dhe dëshira për të arritur këtë objektiv është më e lartë se tensioni. Është një sfidë shumë e rëndësishme jo vetëm për ne, por për të gjithë kombin tonë. Në karrierën time më ka ndodhur shpesh të jem me një këmbë brenda dhe tjetrën jashtë, por më së shumti kam përfunduar brenda”, tha Buffon.
Ndeshja do të zhvillohet në “San Siro”, stadium ku Italia nuk është mposhtur asnjëherë dhe shpreson që të ndihmohet edhe nga historia e këtij stadiumi. Axurët nuk ka humbur kurrë në këtë stadium, duke regjistruar 22 fitore dhe katër barazime me 76 gola të shënuara dhe 22 të pranuara. Po ashtu portieri i Italisë dhe i Juventusit ka bërë thirrje tifozëve që të vijnë në stadium dhe ti harrojnë ekipet italiane që mbështesin dhe të gjithë të veshin bluzën e kombëtares që ta ngjyrosin të kaltër stadiumin.
