Sfidat e Evropës, si papunësia tek të rinjtë, kostoja e orëve të punës, tregtia, mbrojtja, borxhi publik, pjesëmarrja në rënie e votuesve në zgjedhjet, “Brexit”, inteligjenca artificiale, teknologjia dixhitale dhe përdorimi i saj në funksion të shërbimeve, etj do të jenë në fokus të Samitit Evropian të Biznesit që do të mbahet në Bruksel më datat 22 dhe 23 Maj.
Rreth dy mijë pjesmarrës, ligjvënës dhe biznesmenë do të jenë së bashku për të diskutuar mbi një sërë çështjesh nga të cilat varet e ardhmja ekonomike e Evropës.
Mes 150 folësve në këtë event, do të jetë Ministri gjerman i Financave, Wolgang Schauble, Komisioneri Europian për Ekonominë, Pierre Moscovici, senatori dhe ish-kryeministri italian Mario Monti, gazetarë, ministra dhe drejtues institucionesh.
Samiti Evropian i Biznesit mblidhet çdo vit prej 17 vitesh.
