Genaro Gatuso nuk bën një nisje të mirë në Serie A, pasi barazon në transfertë me ekipin që nuk kishte marrë akoma asnjë pikë në kampionat, Benevento. Ndeshja përfundoi me rezultatin 2-2 dhe autor i golit në fundin e takimit ishte portieri Brigoli. Milanit iu deshën 38 minuta që të mposht skuadrën e Beneventos. Ishte Giacomo Bonaventura që shënoi gol me kokë pas një rrëmuje të krijuar në zonën e ekipit të Berat Gjimshitit dhe Ledian Memushajt. Deri në fund të pjesës së parë nuk pati ndonjë rast që vlen të theksohet dhe në këtë mënyrë pjesa e parë u mbyll me fitoren e kuqezinjve.
Por, në pjesën e dytë shtatë herë kampionët e Evropës u befasuan nga ekipi që nuk kishte ende një pikë në kampionat. Ishte minuta e 50 e ndeshjes kur sulmuesi anësor i vendasve George Puscas arriti të realizoi gol për të barazuar gjithçka në ndeshjen e xhiros së 15 të Serie A. Por gëzimi i mysafirëve zgjati vetëm shtatë minuta pasi Nikola Kalinic shënoi për epërsinë e dytë të Milanit. Kroati u asistua nga mesfushori italian Jack Bonaventura.
Në të 75 minutë Milani mbeti me një lojtar më pak në fushë pasi Alesio Romagnoli mori kartonin e dytë të verdhë. Kur pritej të përfundonte ndeshja, në minutën e pestë të kohës shtesë shënoi gol me kokë portieri i Beneventos, Alberto Brignoli, i cili edhe vulosi rezultatin përfundimtar 2-2. Pas kësaj, Milan mban vendin e shtatë të renditjes me 24 pikë ndërsa Benevento fiton pikën e parë në këtë sezon.
