Makina “Mercedes Benz CLS” me targa të vjedhura, e cila u gjet e braktisur disa orë pas ngjarjes ku u ekzekutua ish-oficeri i policisë Arben Bilali, tashmë është në duart e policisë. Automjeti është dërguar në laboratorin e Policisë Shkencore, ku po i nënshtrohet një ekzaminimi të detajuar. Kjo provë mund të zbulojë ekzekutorët.
Hetuesit shpresojnë që nga kjo procedurë të përfitohen të dhëna të vlefshme për vrasësit, si gjurmë gishtash, qime floku, apo mbetje të tjera që mund të çojnë në identifikimin e autorëve.
Hetuesit hedhin dyshime se autorët e vrasjes nuk kanë pasur në plan ta braktisin makinën në këtë zonë, por janë frikësuar nga prania e menjëhershme e patrullave të policisë, në rrugët lidhëse me daljen nga Unaza e Madhe.
