Ish-zëvendës drejtori i policisë së Shtetit, Erzen Breçani ka analizuar aksionin e policisë në Gjirokastër. Aksioni ku mbeti i vrarë gjatë një shkëmbimimi zjarri me forcat speciale RENEA ushtari ekstremist grek Kontandinos Kacifa, 35 vjeç.
I ftuar në Report TV, Breçani foli për ngjarjen e dy ditëve më parë në Bularat duke thënë se forcat RENEA kanë zbatuar në mënyrë rigorozë të gjithë procedurat që duhet të ndiqen në një rast konkret të ngjashëm. Sipas Breçanit ndërhyrja e policisë ka qenë një ndërhyrje emergjente e arsyetuar dhe e detyruar nga rrethanat e krijuara.
Në rastin konkret operacione të tilla që nuk janë stacionare por janë në lëvizje në të gjitha rastet për të forcat speciale në gjithë vendet e botës janë operacione të vështira. Në këtë rast të gjitha procedurat standarde për kryerjen e veprimeve operacionale janë zbatuar në mënyrë rigoroze. Gjatë mbylljes së kufizimit të zonës së përcaktuar nga forcat RENEA, personi në fjalë ka qenë i rrezikshëm dhe ka filluar të shtijë në ajër dhe kundër forcave të RENEAS duke rrezikuar edhe jetën e banorëve. Etapat që duhet të ndiqeshin, janë përmbushur në mënyrë rigoroze. Ndërhyrja nga ana e policisë nuk ka qenë ndërhyrje emergjente e planifikuar, por një ndërhyrje e arsyetuar e detyruar nga rrethanat . Forcat speciale të RENEA-S kanë qenë të rrezikuar përballë këtij operacioni sepse një person që ka një armë me qitje selektive është shumë i rrezikshëm për çdo rast.. Ka një procedurë standarde që i ka detyruar forcat speciale RENEA të përdorin armët sipas ligjit që i autorizon .
Ish-zëvendës drejtori i policisë së Shtetit, Erzen Breçani
Minoritari grek Konstandinos Kacifas mbeti i vrarë në Bularat të Gjirokastrës pas një shkëmbimi zjarri me policinë dy ditë më pare. Familjarët e ekstremistit grek kanë kërkuar ekspertizë private për trupin e të ndjerit, ku pjesë të ishin edhe grekët. Mësohet se varrimi i 35-vjecarit do të bëhet nesër.
