Brazili ka mposhtur Rusinë me rezultatin e pastër 3-0 dhe ka vërtetuar se ata do të jenë vërtet të “frikshëm” në këtë Botëror. Seleçaot e kontrolluan ndeshjen nga minuta e parë edhe pse golat u shënuan në pjesën e dytë, pasi në të parën u zhvillua një lojë force nga rusët me shumë faulle. Rezultati mund të ishte edhe më i thellë nëse brazilianët do ti kishin shfrytëzuar më mirë rastet e krijuara.
Është interisti Miranda që zhbllokon rezultatin në minutën e 53’, i cili përfiton mjaft mirë dhe nga shumë pranë dërgon topin në rrjetë. Shatë minuta më vonë, Brazili ka pasur mundësinë të dyfishojë, por Paulinho ka bërë një gafë me portën e boshatisur. Një gol i dytë që ka ardhur dy minuta më vonë me penalltinë e transformuar në gol nga Philippe Coutinho.
Paulinho ka shlyer gabimin e tij në minutën e 66-të duke realizuar golin që ka fiksuar shifrat në 3-0 për brazilianët, të cilët kanë bindur dhe kanë treguar se mund të fitojnë me lehtësi edhe pa Neymar, i cili po rikuperon nga operacioni në këmbën e djathtë. Skuadra e Tite do të kthehet përsëri në fushë të martën e ardhshme, kur do të përballet me Gjermaninë në Berlin, ndërsa Rusia do të presë në Shën Pjetërburg Francën.
