Policia federale braziliane ka sekuestruar 617 kg kokainë të pastër (hidroklorur), në një zonë rurale në Brasnorte.
Sipas mediave të huaja, lënda narkotike ishte fshehur në trupin e një kamioni, ndërsa në pranga kanë përfunduar 4 persona. Ndërkohë policia braziliane raporton se kjo sasi e kokainës kapte shifrën e 9 milionë dollarëve dhe kishte si destinacion Evropën.
Çdo pako e lëndës narkotike mbante logon klubit të Elbasanit, duke nënkuptuar se malli do të transportohej në Shqipëri. Përveç drogës, u sekuestrua edhe kamioni dhe dy automjete tip Fiat, të cilët shërbenin për kontrollin e rrugës teksa shoqëronin kamionin.
Gjatë kontrollit të dielën e 2 shtatorit, policia ka gjetur edhe materiale të përdorura për rafinimin dhe paketimin e lëndës narkotike. Shoferi i kamionit i konfirmoi policisë se kishte marrë 10,000 dollarë për të transportuar ngarkesën.
