Ish-presidenti brazilian, Luiz Inacio Lula da Silva është dënuar për korrupsion me 9 vjet e gjysmë burgim.
Të mërkurën, gjyqtari e gjeti atë fajtor për pranimin e ryshfetit nga firma inxhinierike OAS në formën e një apartamenti në bregdet në këmbim të ndihmës së tij në fitimin e kontratave me kompaninë shtetërore të naftës.
Lula ka hedhur poshtë këto pretendime për përfshirjen e tij në skandalin e korrupsionit të lidhur me kompaninë shtetërore të naftës Petrobras. Ai thotë se gjykimi është i motivuar politikisht duke mohuar se ka kryer ndonjë vepër penale. Ky rast është i pari prej pesë akuzave kundër tij.
Lula ka shërbyer tetë vjet si president deri në vitin 2011 dhe ka sugjeruar që ai të kandidojë përsëri në zgjedhjet e vitit të ardhshëm për Partinë e Punëtorëve të krahut të majtë.
. @PCdoB_Oficial manifesta a sua firme indignação com condenação de @LulapeloBrasil. Leia aqui: https://t.co/ue4plfdonW pic.twitter.com/HazMe9cndk
— PT Brasil (@ptbrasil) July 12, 2017