Numri dy i qeverisë, zv. kryeministri Erion Braçe ka deklaruar hapur se në vend ka oligarkë, apo njerëz të pasur, që sipas tij, përpiqen të ndikojnë në politika dhe vendmarrje.
I ftuar ne emisionin “Përballë” të gazetarit Lutfi Dervishi, Brace theksoi se ata luftohen me ekonomi te hapur e konkurruese.
“Ka njerëz që paragjykojnë garat, në funksion të përfitimeve të tyre personale. Ka njerëz që i mëshojnë garave të drejta dhe transparente. Unë jam nga këta të fundit. Oligarkët nuk luftohen siç thotë Lulzim Basha, që thotë do i fus në burg. Luftohen me ekonomi të hapur dhe konkurruese. Unë mendoj se ne kemi mundësi ta bëjmë këtë gjë”, u shpreh Braçe në “Përballë”.
Duke folur me tej per politiken, Braçe ka pranuar mes te tjerash se i eshte mirenjohes Fatos Nanos, nderkohe qe ka thene prere se “presidenti Ilir Meta nuk mund te shkarkohet”.
Ai i njohu meritën Metës, Nanos e politikanëve të tjerë të vjetër të PS-së për formimin e tij si politikanë.
“Fatos Nano i jam shumë mirënjohës për një pjesë të formimit tim, mendimin e lirë dhe kundërshtues edhe brenda PS. Nuk e mendoj dot veten në një parti si PD që ka drejtuar Sali Berisha”.
Pyetur nese eshte i mendimit se presidenti Meta duhet te shkarkohet pas “perplasjeve” qe ka pasur se fundi me kryeministrin, Brace thote: “Presidenti i Republikës nuk mund të shkarkohet asnjëherë në këtë vend. Kërkon 2/3 e votave në parlament dhe po ashtu duhet të kalojë edhe në Gjykatën Kushtetuese”, tha Braçe në RTSH.
