Zv-kryeministri Erion Braçe ndodhet në stadiumin “Selman Stërmasi”, duke bërë tifo për Partizanin. Në kampin kundërshtar është presidenti i FSHF, Armando Duka, i cili bën tifo për Tiranën.
Në momentet e shënimit të golave, zv-kryeministri Braçe festoi bashkë me tifozërinë e Partizanit. Kujtojmë që pjesa e parë është mbyllur 2-0 për Partizanin, ku kanë shënuar Cordeiro dhe Solomon.
Partizani nuk ndalet në derbin kundër Tiranës.
Pas një gabimi trashanik në mbrojtjen e Tiranës, ka përfituar braziliani Cordeiro, duke shënuar golin e parë. Ishin mbrojtësit Vangjeli dhe Kërçiku që u përplasën duke bërë që të kuqtë të përfitonin për golin e parë.
Nuk zgjat shumë dhe pas 5 minutave ka ardhur edhe goli i dytë. Një krosim nga krahu i djathtë i shndërruar në gol nga sulmuesi Solomon. Solomon kërceu mbi dy mbrojtësat e Tiranës, duke shënuar një super gol me kokë.
