Sikundër ishte e pritshme, opozita ka bojkotuar sërish punimet e seancës plenare. Punimet e Kuvendit nisën me një vërejtje të deputetit dhe kreut të Komisionit të Ekonomisë, Erjon Braçe, i cili i tërhoqi vëmendjen ministrit Ahmetaj, për mosparaqitjen e tij në një interpelancë të kërkuar prej tij. Mjaft i revoltuar, ai ka thënë se ndonëse kanë kaluar dy të enjte, sërish ministri nuk paraqitet në interpelancë me një çështje shumë konkrete.
“Prej 5 javësh i ka adresuar Kuvendit një kërkesë për interpelancë me Ministrin e Financave dhe Ekonomisë. Sipas nenit 80 të Kushtetutës është e përcaktuar qartë, kryeministri dhe ministri i thirrur në intepelancë nga një deputet, apo grup deputetësh, është i detyruar të përgjigjet brenda 3 javësh në sallën e Kuvendit. Kanë kaluar dy të enjte dhe Ministri i Financave dhe Ekonomisë ende nuk paraqitet në interpelancë me një çështje shumë konkrete dhe shumë të qartë, për të dhe mbi të gjitha me interes publik për qytetarët”, tha ai.
