Mercedes vazhdon të dominojë në Formula 1 me të dy pilotët. Në Sochi, për Çmimit të Madh të Rusisë në provat zyrtare ka triumfuar Valteri Bottas. Ai ka surprizuar duke lënë pas shokun e tij të skuadrës Lewis Hamilton. Finlandezi regjistroi xhiron më të shpejtë me kohën e shkëlqyer 1 minutë 38 sekonda e 387 të mijtat.
QUALIFYING CLASSIFICATION: A second pole of 2018 for @ValtteriBottas 👏 #RussianGP 🇷🇺 #F1 pic.twitter.com/3mGByLUYXl
— Formula 1 (@F1) September 29, 2018
Nga radha e dytë do të nisen dy pilotët e Ferrarit, Vettel dhe Raikkonen të cilët ishin më shumë se gjysmë sekonde më të ngadaltë se Bottas. Zhgënjyen totalisht dy pilotët e Red Bullit Verstappen dhe Ricciardo që nuk u kualifikuan në sesionin e tretë dhe do të nisen në garën e nesërme nga pozicionet 11 dhe 12.
Maiden win last year, pole this… @ValtteriBottas sure likes the @SochiAutodrom 🇫🇮🚀#RussianGP 🇷🇺 #F1 pic.twitter.com/mow843dM6y
— Formula 1 (@F1) September 29, 2018
Në përfundim të sesionit të parë të provave zyrtare u eliminuan Hartley (Toro Rosso), Alonso (McLaren), Sirotkin (Williams), Vandoorne (McLaren) dhe Stroll (Williams), ndërkohë që kohën më të shpejtë e regjistroi Hamilton me Mercedes. Ndërsa në përfundim të sesionit të dytë u eliminuan dy pilotët e Red Bull, Verstappen e Ricciardo (që janë penalizuar për ndryshimin e motorit dhe do ta nisin garën nga fundi), Gasly (Toro Roso), Sainz (Renault) dhe Hulkenberg (Renault).
