Alarmi se gjatë Botërorit të Rusisë do të ketë përplasje të frikshme mes tifozëve është bërë edhe më real. Putin kishte premtuar pak ditë më parë se do të ketë një siguri të plotë për të gjithë pasi forcat e policisë do të jenë të shumta. Nënkryetari i Parlamentit rus, Igor Lebedev ka bërë një propozimi i çuditshëm për t’i shndërruar përplasjet mes huliganëve në evente të mirëfillta nëpër stadiume u mbështet edhe nga spiunia ruse Anna Chapman vetëm një javë para fillimit të turneut. Madje ajo thotë se grupet ultras ruse janë duke bërë audicione të mirëfillta për të përzgjedhur “luftëtarë” me të cilët do të ndeshen me grupimet kundërshtare.
Lebedev dhe Anna Chapman
Lebedev, një ultranacionalist rus mbështetës i Vladimir Putin, përsëriti edhe një herë propozimin e bërë që një vit më parë. “Imagjinoni tifozët anglezë. Do të vijnë këtu dhe do të fillojnë të mburren. Përgjigja jonë duhet të jetë ‘ok, tani shihemi në stadium’. 20 veta nga secila palë, pa armë. Rregullat i lexoni online”, tha Lebedev, që gjithashtu është edhe pjesëtar i komitetit ekzekutiv të Federatës Ruse të Ftubollit, shkruan EDS.
Deklarata e çuditshme bie ndesh edhe me përpjekjet e vetë Putinit për të shtypur grupet huligane në prag të evenimentit më të madh sportive të vitit. Kapot e bandave janë urdhëruar që të zhduken në fshatra të largët ose do të përballen me forcat e sigurisë. Por Lebedev shton: “Duhet të kuptojmë se ca gjëra nuk i shmangim dot. Tifozët tanë janë luftëtarë, jo huliganë. Dhe sherret mund të kthehen në sport. Mund të vendosim rregulla dhe të bëjmë një kompeticion”.
Ndërsa 36-vjeçarja Chapman, e përzënë nga SHBA pasi u zbulua se spiunonte për Rusinë, pyeti ndjekësit e saj në rrjetet sociale se çfarë mendonin për propozimin e Lebedev, duke thënë se zakonisht në sherret më të rënda përfshiheshin tifozët britanikë. “Sherret e huliganëve nuk janë më se 20 vjet më parë, kur merrnin pjesë të rinj të dehur, tani grupet përbëhen nga luftëtarë profesionistë”.
