Kampionati Botërorë i peshëngritjes nis sot në Anaheim të Amerikës dhe do të jenë 5 shtangiistë që do të përfaqësojnë Shqipërinë, 3 meshkuj dhe dy femra. Daniel Godelli do të mungojë në këtë event, pasi nuk iu dha viza nga Ambasada Amerikane, kështu që duke nisur nga 30 nëntori në pedadë do të ngjiten Evangjeli Veli, Romela Begaj, Briken Calja, Erkand Qerimaj dhe Krenar Shoraj. Shqipëria synon të shkojë në zonën e medaljeve me 3 shtangistë, që jo vetëm do të garojnë në Baterinë A, por kanë deklaruar se kanë shanse reale për të ngritur flamurin kuqezi në këtë event. Kuqezinjtë do ta nisin konkurrimin me Velin, do të vazhdojnë më pas me Calen dhe do ta mbyllin me Qerimajn, Begajn e Shorajn.
Peshëngritësit kuqezi në Botëror
Pesha 58kg, Evangjeli Veli (Bateria A) 30 nëntor
Pesha 69kg, Romela Begaj (Bateria A) 2 dhjetor
Pesha 69kg, Briken Calja (Bateria A) 1 dhjetor
Pesha 77kg, Erkand Qerimaj (Bateria A) 2 dhjetor
Pesha 85kg, Krenar Shoraj (Bateria B) 2 dhjetor
