Bota e modës është tronditur nga lajmi i vdekjes së stilistes së famshme amerikane Kate Spade, çantat e së cilës afruan pasarelat me njerëzit e thjeshtë.
Spade u gjet e varur në apartamentin e saj në Manhattan, e vetëvrarë sipas të gjitha gjasave, mundësi kjo që përforcohet edhe më shumë nga shënimi i lënë në vendngjarje, ku përmendte të bijën e të shoqin.
Katherine Brosnahan Spade e kishte nisur karrierën si gazetare, e më pas redaktore e revistës së modës “Mademoiselle”.
Pasionin e vërtetë, ajo do ta shfaqte fillimisht me prezantimin e vetëm 6 lloje çantash, ama suksesi që i rrufeshëm. Spade e njohu famën shumë shpejt, falë krijimeve të saj elegante, të cilat në shumë raste kombinonin njëkohësisht praktikën me një gamë të re ngjyrash herë të ëmbla, e herë të guximshme.
Linja e saj e çantave dhe perandoria e aksesorëve, që krijoi bashkë me të, do të pasoheshin nga ngritja e dhjetëra dyqaneve në mbarë botën.
“Kate Spade kishte dhuntitë e lakmueshme që e kuptonte saktësisht se çfarë donin të mbanin në krah femrat anembanë botës”, u shpreh kryeredaktorja e “Vogue”, Anna Wintour.
“Çantën time të parë ‘Kate Spade’ gjyshja ma dhuroi kur isha në universitet”, shkroi në rrjetet sociale Chelsea Clinton. “E kam ende”, vazhdon vajza e ish-presidentit amerikan Bill Clinton.
E bija e shefit aktual të Shtëpisë së Bardhë, Ivanka Trump i bëri homazhe në të njëjtën mënyrë stilistes së shuar tragjikisht. “Ky largim i beftë është një kujtesë e dhimbshme e faktit se ne kurrë nuk arrijmë ta njohim deri në fund dhimbjen e tjetrit, apo barrën që ai bart në vetvete”, ishte mesazhi i saj.
Nërsa zbardhet përmbajtja e letrës që stilistja me famë botërore, Kate Spade la te koka e krevatit për të bijën, para se te vriste veten, duke u varur me një shall me ngjyrë të kuqe në shtëpinë e saj.
TMZ, boton letrën që 55-vjeçarja la për të bijën, Frances Beatrix, por që ajo e thërriste shkurt Bea. Duket se ajo ka qene edhe mendimi i fundit i stilistes para aktit vetevrases.
“Bea. Të kam dashur gjithmonë. Nuk është faji yt. Pyet babin!”
Kjo ka qenë letra e shkurtër e 55-vjeçares për të bijën. Ajo vuante prej kohësh nga problem psikologjike dhe këtë gjë ishte munduar ta zgjidhte nëpërmjet alkoolit.
Sipas mediave ndërkombëtare, policia ka nisur hetimet dhe ka gjetur një letër në banesë, por ende nuk dihet përmbajtja e saj.
Familja e saj thotë se ajo prej vitesh vuante nga nga një sëmundje mendore, por gjithmonë kishte pasur frikë të kërkonte ndihmë, pasi mendonte se do të prishte imazhin e markës së saj.
Ndërsa ndër të tjera në letren e lënë për vajzën e saj adoleshent ajo shkruante se: “Unë gjithmonë të kam dashur”.
Motra e saj më e madhe Reta Saffo ka folur për betejën e vështirë që ka kaluar motra e saj, gjë që e çoi atë deri në vetëvrasje.
“Ndonjëherë thjesht nuk mund t’i ruajmë njerëzit nga vetvetja!”, është shprehur ajo.
Saffo, 57 vjeçe, tha se ajo dhe burri i Kate, Andi Spade, e kishin nxitur shumë herë duke i thënë që të merrte trajnimin e duhur, poir ajo gjithmonë e kishte neglizhuar një gjë të tillë.
“Ne shumë here i kimi bërë valixhet gati asaj për ta çuar dhe trajnuar, por për të parësore ishte imazhi i markës së saj. Ajo ishte padyshim e brengosur për atë që njerëzit do të thoshin nëse do ta kuptonin “.
Saffo tha për DailyMail.com se Kate luftoi për t’u përballuar me statusin e saj të famshëm, që që e çoi atë deri në këtë pikë.
“Motra ime e vogël Katy ishte një person i çmuar dhe i çmuar. Ajo ishte shumë e dashur dhe gjithmonë thoshte PO. Ajo e la vetëm pas dore për shumë kohë”.
Saffo tha se 55-vjeçarja kurrë nuk e parashikonte se marka e saj do të bëhej markë e suksesshme.
“Ajo kurrë nuk e priste atë – as nuk ishte përgatitur siç duhet për të,” tha ajo për DailyMail.com.
Saffo tha se pas përpjekjeve të shumta që kishte tentuar me të gjitha mënyrat për të ndihmuar motrën e saj, ajo ‘më në fund e la të lirë’ dhe ajo nuk ishte e përgatitur për planin e vetëvrasjes.
TIRANA TODAY
