Spektakël kanë dhuruar katër ndeshjet e zhvilluara në orën 18:00 në kuadër të eliminatoreve të Botërorit Rusi 2018.
Bosnja dhe Belgjika ka qenë një ndeshje e çmendur, ku është përmbysur dy herë rezultati brenda 90’ minutave. Ishin belgët që kalojnë të parët në avantazh por që përmbysen që në të parën nga boshnjakët e drejtuar nga Edin Dzeko. Por në pjesën e dytë Belgjika tregoi edhe njëherë që është një ekip mjaft i fortë dhe përmbys gjithçka në 3-4. Ka shkëlqye Hazard në këtë ndeshje që ka dhuruar një performancë mjaft të mirë, por njeriu i ndeshjes ishte ylli i Atl.Madrid që ka dhuruar tre asiste dhe ka shënuar golin e katërt dhe të fitores. Belgjika e kishte të siguruar kualifikimin por nuk dështoi edhe në këtë ndeshje, ndërsa Bosnja do të presë deri në ndeshjen e fundit për kualifikimin duke parë edhe rezultatet që do të marrë Greqia.
Edhe Estonia në transfertën me Gjibraltarin ka arritur të shënojë 6 herë, por kjo ndeshje mund të vlejë më shumë për statistikë pasi shumë të pakta janë shanset që të kalojnë më tej.
Suedia nga ana tjetër shënon goleadë përballë Luksenburgut duke e mposhtur 8-0. Aktualisht suedezët mbajnë vendin e parë dhe rrisin presionin ndaj Francës dhe Hollandës që janë pas tyre. Por nëse Hollanda fiton atëherë se kush do të kualifikohet do të vendoset në ndeshjen e fundit në përballjen Hollandë-Suedi.
Ndërsa me rrjeta të paprekura është mbyllur sfida Ishujt Faraoe-Latvia.
Bosnje-Belgjikë 3-4:
