Ministri i Mbrojtjes së Malit të Zi, Predrag Boskoviç është takuar sot me ministren e Maqedonisë, Radmilla Sheqerinska.
Boskoviç po zhvillon një vizitë zyrtare në Maqedoni, ku u shpreh se Mali i Zi është një ndër mbështetësit më të mëdhenj të interesave të Maqedonisë në procesin euroatlantik.
Po ashtu, ministri malazez pohoi se dy shtetet kanë marrëdhënie të mira dhe se trashëgimia nga shteti i njëjtë mund të jetë platformë e mirë për ndërtimin e marrëdhënieve të ardhshme.
“Jo vetëm për shkakun se Maqedoninë e kemi vend të dashur, por edhe për shkak se kjo është në interes të madh të Malit të Zi, sepse vetëm me rajon stabil dhe të bashkuar mund të jetë bazë e mirë për rritjen ekonomike dhe zhvillimin e gjithë rajonit, e cila është nevojë e domosdoshme për të gjithë qytetarët”, theksoi Boshkoviç ndër të tjera.
