Gjykata e Bergamos ka hedhur poshtë akuzat e ngritura ndaj vëllezërve shqiptarë Sallaku. Ata akuzoheshin për tentativë zhvatje. Në mesin e të ndaluarve nga drejtësia italiane ishte edhe presidenti i Darfo Boario, skuadër e Serisë D në Itali, Gëzim Sallaku. Ky i fundit dhe vëllai i tij janë liruar nga akuzat nga Gjykata e Bergamos.
Sipas të njëjtave burime: Të dy u akuzuan se në vitin 2010, kishin ndaluar një sipërmarrës dhe e kishin kërcënuar të shlyente borxhin prej 40 mijë eurosh plus interesin tek fajdexhiu nga Bergamo, Mario Gaspani. Gjithashtu, akuzat ishin se presioni ishte kryer edhe përmes celularit.
Gaspani u ekzekutua disa muaj më vonë nga gruaja e tij. Ajo ndodhet në burg ku po shlyen dënimin, raporton myvalley.it.
Sakaq, Saimir Sallaku është aktualisht në burg për trafik droge. Ndërsa Gëzimi, i cili u arrestua një javë më parë për armëmbajtje pa leje të tre pistoletave të gjetura në shtëpinë e tij, u lirua pas dy ditësh qëndrimi në qeli./TIRANA TODAY/
