Kryetarja e LSI-së, Monika Kryemadhi e ka quajtur Spiropalin ‘Andronika që ka qejf të rrijë me Skënderbeun’. Kryemadhi iu përgjigj Spiropalit, teksa kjo e fundit foli për të, ndërkohë që ajo si studente e shkëlqyer në 1999, kishte fituar bursë në SHBA.
E menjëhershme ishte përgjigja e deputetes së opozitës, e cila tha në foltore:
“I them Andronikës që ka qejf të rrijë me Skënderbeun, kur kam qenë unë në PS ka qenë komplet gjë tjetër. Ka qenë tjetër kohë, ka pas të tjerë njerëz. Mos na fol këtu se nuk të takon ty të flasësh për socialistët. E ardhmja bëhet duke mbajtur mend të kaluarën. E dashur Elisa, dua të të them se borgjeze nuk të bëjnë paratë, të bën shpirti dhe dija.”
