Ministrja e Financave dhe Ekonomisë, Delina Ibrahimaj, ka reaguar pas akuzeve se Bordi i Transparencës në vendimet që merr favorizon kompanitë e shitjes së karburanteve. Në një konferencën me mediat, ajo sqaroi se si Bordi e vendos çmimin, për të cilin tha se ndikim të madh ka edhe kursi i këmbimit. Ministrja tha më tej se hidrokarburet tregtohen ne dollarë dhe gjatë këtij viti leku shqiptar është zhvlerëzuar ndaj dollarit. Një element i rëndësishëm që kalkulohet në çmimet e bursës është dhe kursi i këmbimit.
“Bordi që përcakton çmimet tani po bëhet 1 vit që operon. Unë ju sfidoj ju e këdo tjetër të vërtetoni atë që mediat kanë thënë e rithënë.
Ju supozoni që Bordi merr vendimet jo në bazë të ecurisë së bursës, por në bazë të interesave që janë inekzistente që me nisjen e operimit të Bordit ne kemi ulur marzhet e tregtimit të hidrokarbureve e këto efekte janë të matshme nga çdo qytetar dhe ekonomist.
Kemi ulur marzhin ndjeshëm. Nuk reflektojmë çmimet e bursës? Ju mund ti refereoheni çmimet e referencës së naftës bruto që janë luhatje nga çmimet që ne i referohemi.
Ne përdorim çmimin plats sp e mbi atë çmim aplikojmë marzhet e fitimit, taksat dhe ecuria e kursit të këmbimit. Hidrokarburet tregTohen në dollarë dhe gjatë këtij viti leku shqiptar është zhvlerëzuar ndaj dollarit. Një element i rëndësishëm që kalkulohet në çmimet e bursës është dhe kursi i këmbimit.
E premtja kur çmimi i bursës u rrit, por kursi ishte favorizues dhe i tregtimit në vend u ul. Kur bëhet analiza duhet bërë me gjithë komponentët. Bordi funksionon në bazë të ligjit e me përgjegjësi të plotë ju them që aludimi që bëni nuk është i saktë dhe jo korrekt”, tha ministrja.
