Prej ditësh flitet që Interi është shumë pranë nënshkrimit me yllin belg të Romës, Radja Nainggolan. Ditën e sotme ka qenë vetë mesfushori që i ka shtuar zërat pas një deklarate të fortë që ka dhënë për tifozët: “Shihemi në Milano”. Ndërsa vetëm pak ditë më parë ai është shprehur haptazi se: “Nuk po largohem, por po më përzënë”.
Mesfushori belg është përfolur për një transferim te Zikaltrit, ku ai do të ribashkohej me Luciano Spalletti-n. Sot ai ka qenë në qendrën stërvitore të Roma-s, por është larguar pak përpara se të mbërrinte trajneri Eusebio Di Francesco.
Më pas, siç pretendon calciomercato.com, Nainggolan thuhet të ketë shkuar për drekë në një restorant pranë qendrës, ku ka folur me disa tifozë. Faqja raporton se ai i ka thënë tifozëve “shihemi në Milano”, duke konfirmuar kështu një transferim tek Inter. Inter pritet të paguajë rreth 20 mln euro për lojtarin belg dhe një nga lojtarët e akademisë.
