Boksieri shqiptar i pamposhtur në ring, merr fitoren e parë me “KO”

Boksieri shqiptarë Julian Uldedaj, ka korrur suksesin e shtatë në ring, duke qëndruar i pamposhtur edhe pse është në një moshë të re 20-vjeç. Lezhjani ka mposhtur me “KO teknik” kundërshtarin e tij çek Redek Geismann në shtëpinë e këtij të fundit, në raundin e tretë. Ai është duke u stërvitur në Gjermani ku është pjesë e skuadrës SES Boxing dhe ka shkëlqyer edhe këtë herë në ring, duke marrë fitoren e parë në karrierë me “KO”, pasi 6 fitoret e tjera kanë qenë me vendim unanim të gjyqtarëve.Uldedaj, 20 vjeç, po i ngjit një e nga një shkallët e karrierës si profesionist, çka konfirmohet nga vetë boksieri lezhjan, që shprehet i kënaqur me këtë rezultat dhe paraqitjen ndaj rivalit 25-vjeçar çek, Geismann. “Gradualisht po konsolidoj rrugën drejt ndeshjeve më të rëndësishme për titull. Një falënderim të veçantë për trajnerin tim Dirk Dzemski dhe skuadrën SES Boxing, ku garoj dhe stërvitem”, u shpreh Uldedaj, që rikthehej në ring 8 muaj pas sfidës së fundit.