Një nga mënyrat e shumta që përdorin terroristët për të përhapur tmerr dhe frikë te njerëzit është nëpërmjet masakrave ndaj civileve.
Grupet islamike të Boko Haram janë të njohura thuajse në të gjithë botën për masakrat dhe vrasjet makabre ndaj popullsisë jo myslimane, por edhe ato myslimane që nuk ndjekin ritet e grupit.
Mediat ndërkombëtare raportojnë se Boko Haram vranë të paktën 15 vetë në një sulm në fshatin Kofa, në verilindje të Nigerisë.
Fshati ndodhet në buzë të një qyteti të militarizuar të Maiduguri, në të cilin qeveria po përpiqet të mposhtë grupin Boko Haram dhe shtetin islamik në Afrikën Perëndimore, raporton Reuters.
Në janar të vitit 2016, të paktën 85 vetë u vranë kur luftëtarët militantë sulmuan dhe shkatërruan fshatin Dalori dhe u përpoqën të fitonin qasje në kampe.
Pavarësisht këmbënguljes së qeverisë se xhihadistët e Boko Haram janë afër humbjes, Nigeria ende është e goditur nga luftimet e rënda.
Konflikti ka marrë më shumë se 27,000 jetë që nga viti 2009 dhe pothuajse dy milionë njerëz ende nuk mund të kthehen në shtëpitë e tyre në rajonin e Liqenit Çad.
Në muajt e fundit, Boko Haram ka kryer sulme të mëdha ndaj objektivave ushtarakë, duke vrarë dhjetëra persona.
