Kevin Prince Boateng ka pranuar se transferimi te Barcelona ishte për tu bërë përsëri një lojtar i rëndësishëm në arenat më të mëdha të futbollit në Europë. Sulmuesi i cili tashmë është pjesë e Besiktas në kampionatin turk, ka treguar në një intervistë me Thierry Henry se si kanë qenë disa nga etapat e fundit të karrierës së tij që e çuan në Spanjë.
“Në Spanjë isha në një pikë të karrierës në të cilën të gjithë më pyetnin nëse ndjehesha mirë. Atje shkova pa një objektiv fiks, dëshiroja vetëm të argëtohesha dhe të luaja futboll. Kur bëhet profesion, futbolli humb pak nga dashuria për të. Unë pyeta ku ishte Las Palmas dhe kur më thane në Ishujt Kanarie mendova “a janë pushime apo është futboll?”.
Ndërsa Barcelona është fantastike, isha 32-vjeç e po kthehesha përsëri në këto skena të rëndësishme, ishte e pabesueshme. Kur firmova kisha çelësat e makinës me emrin tim, pastaj kisha konferencën për shtyp… Atje mësova se i vetmi lojtar i cili mund të fitojë të gjitha ndeshjet është Messi”, tregoi sulmuesi.
