Kreu i LIBRA-s, Ben Blushi është shprehur se gjatë bisedimeve parazgjedhore duke filluar që vitin që shkoi, ka dialoguar me kryeministrin Rama lidhur me të ardhmen e tij.
Sipas tij, Edi Rama i ka kërkuar që të bashkohet me të pasi Meta do të ikë nga koalicioni.
Po ashtu, Blushi u shpreh se në kuadër të këtyre bisedimeve Kryeministri i ka ofruar atij postin e kryetarit të Kuvendit.
“Me 10 korrik nuk kanë lënë gjë pa bërë. Rama vetë më gjithë ministrat e vet më kanë marrë në telefon. Voto për qeverinë time se Meta do të iki dhe ti do të bëhesh kryetar Kuvendi.
Unë thash jam duke ikur dhe ika në fakt. Madje ata kanë dalë me trastë në dorë nga Tirana në Durrës për të marrë vota nga PD, dhe thanë se disa i kanë blerë”, tha Blushi.
Kujtojmë se Ben Blushi ka qenë nja nga kritikët më të mëdhenj të marrëveshjes politike mes kryeministrit Edi Rama dhe kreut të PD-së, Lulzim Basha.
