Beyonce publikoi në llogarinë e saj të Instagram-it disa foto ku dominonte ngjyra rozë kombinuar me blunë. Dhe si rezultat, kishim mbretëreshën e pop-it në versionin e barbit me takat e larta dhe kaq elegante.
Por yllit të ‘Lemonade’ lavdia i zgjati derisa vajza e madhe e çiftit Carter vendosi t’ia heqë këpucët mamit nga këmba dhe t’i veshë vetë.
Kaq pak sekonda iu desh Blue Ivy-it për të marrë vëmendjen e të gjithëve. Ishte vetë Bey, e cila ka postuar foto të vajzës teksa përpiqej të ecte mbi takat super të larta para se të shtrihej për të fjetur.
Kombinuar me një palë pizhama rozë kaq të rehatshme, 4-vjeçarja nuk ka ndërmend të heqë dorë derisa të mësojë tamam çdo të thotë të ecësh në hapat e Beyonce-s. Blue Ivy e ka marrë shumë seriozisht këtë punë dhe duket se deri më tani, po ia del më së mbari.
