Nas Daily publikoi disa video një-minutëshe, ku zbuloi disa zakone dhe veçanti të Shqipërisë. Por kur bëhet fjalë për vendin tonë, nuk kemi se si të mos mburremi me tolerancën fetare.
E sigurisht që një vëmendje të madhe i ka kushtuar edhe blogeri i njohur, i cili vizitoi Shqipërinë javën e kaluar.
Ditën e sotme ai ka publikuar një video, ku tregon se si shqiptarët jetojnë në paqe me njëri-tjetrin, pavarësisht fesë që ata kanë.
“Kjo video është për besimin fetar dhe ju betohem në Zot, Allah dhe Krishna se nuk është negative. E vërteta është se në shumë vende besimi fetar mund t’i ndajë njerëzit dhe të krijojë një mentalitet “Ne” vs “Ata”.
Por, jam shumë i lumtur t’ju them se gjeta një vend ku kjo nuk ndodh! Kjo është historia e vendit të bukur të Shqipërisë. Në këtë shtet laik, 4 lloje të ndryshme të feve jetojnë në paqe dhe nuk po e ekzagjeroj kur them se nuk do të jeni në gjendje të dalloni se kush është musliman, kush i krishterë, apo çfarëdo tjetër. Sepse kur i pyet ata se çfarë besimi i përkasin, ata do thonë: ‘Nuk ka rëndësi’. Nuk ka rëndësi sepse besimi fetar nuk i përcakton njerëzit këtu. Ata janë thjesht shqiptarë që jetojnë së bashku. Që kur isha fëmijë, më mësuan se feja është një diçka personale mes teje dhe Zotit tënd. Dhe në Shqipëri, kjo është pikërisht ajo ku feja është mes njerëzve dhe Zotit të tyre dhe është vërtet bukur”, thuhet në video.
Me të vërtetë, toleranca fetare është një nga gjërat më të mira për të cilën ne shqiptarët duhet të krenohemi!
