Një ngjarje aspak normale në çdo shtet tjetër të botës ka ndodhur sot në Shkodër. Një zjarrfikëse është nisur me shpejtësi për të shuar zjarrin e rënë në lagjen “Perash”, por gjatë rrugës ka hasur një problem: automjeti i zjarrfikëses është bllokuar sepse automjetin ishin parkuar në kundërshtim me sinjalistikën rrugore.
Edhe pse sirenat kanë rënë gjatë gjithë kohës, askush nuk ka marrë mundimin të dalë e të largojë makinën për të liruar rrugën.
Kështu, efektivët e shërbimit zjarrfikës janë detyruar të ndërhyjnë me mjete rrethanore, duke ngritur me duar automjetet në ajër, për t’i postuar në mënyrë që të lironin rrugën, gjë që duket edhe në videon e mëposhtme të publikuar nga Ora News.
Papërgjegjshmëria e qytetarëve shkakton vonesa të shërbimit zjarrfikës, apo të auto-ambulancës, duke krijuar për rrjedhojë edhe pasoja fatale.
Shpesh qytetarët janë ankuar për vonesat e ambulancave apo zjarrfikëseve, por kjo video dëshmon më së miri se në fakt jemi vetë ne qytetarët që i shkaktojmë ato nga papërgjegjshmëria jonë.
