Rruga Kukës-Shishtavec është bllokuar sot për shkak të rrëshqitjes së dherave dhe shkëmbinjve nga skarpatet anësore, gjë që ka rrezikuar udhëtarët.
Rrëshqitjet kanë ndodhur në afërsi të Urës së Koloshit, ku e gjithë rruga është mbuluar nga formacione shkëmbore, si pasojë e reshjeve të dendura të shiut.
Ndërkohë, mësohet se pavarësisht situatës, ende nuk janë vendosur rrjeta mbrojtëse anës rrugës.
Firma mirëmbajtëse ka ndërhyrë për normalizimin e situatës, duke larguar gurët, por rrëshqitjet vijojnë dhe rreziku është permanent.
Ky aks ka kushtuar 28 milionë dollarë, shkruan BalkanWeb, por sipas banorëve dhe specialistëve projekti nuk ka qenë i studiuar mirë, pasi vazhdimisht ka probleme të tilla.
