Një blegtor është bllokuar në fshatin Tolar të Këlcyrës që prej mbrëmjes së djeshme, rreth orës 22:00. Ali Dosti është bllokuar në fshat për shkak të borës së madhe së bashku me 1000 krerë bagëti.
Trashësia e borës në këtë zonë arrin në 70 centimetra, ndërsa blegtori ka kërkuar ndihmë me anë të telefonatave, por askush nuk i ka shkuar në stan.
Duke folur për News 24, ai tha:
“Ndodhem në fshatin Tolar, jam bllokuar bashkë me bagëtitë. S’më ka ardhur asnjë ndihmë. Do t’ju sjell video. I kam kërkuar ndihmë bashkisë. I mora në telefon dhe asnjë ndihmë. Vetëm kryetari i Bashkisë më mori në telefon. Jam këtu i bllokuar që në orën 22:00 këtu”, tha ai.
