Një i ri nga Vlora ka rënë në pranga, pasi udhëtonte me një automjet të blinduar dhe pa dokumentacion të rregullt.
I arrestuar është shtetasi Eros Spahiu, 26 vjeç, i cili u ndalua gjatë një pike kontrolli tek Ura e Vrionit në Gjirokastër. Gjatë kontrollit të automjetit, të riut iu gjet dhe iu konfiskua një armë zjarri.
Mësohet se në momentin e ndalimit, Spahiu ndalimit udhëtonte si pasagjer me mjetin e blinduar me targa AA 124 NZ. Në cilësinë e provës materiale u sekuestruan arma e zjarrit me fishekët dhe automjeti. Gjithashtu pas veprimeve të para hetimore, nga shërbimet e policisë është bllokuar dhe mjeti i blinduar në të cilin udhëtonte si pasagjer ky shtetas, pasi mjeti nuk dispononte dokumentacion të rregullt.
Materialet i kaluan Prokurorisë së Rrethit Gjyqësor Gjirokastër për veprën penale “Prodhim dhe mbajtje pa leje e armëve luftarake dhe municionit”, parashikuar nga neni 278/1 i Kodit Penal.
