Plot 383 kg kanabis sativa dhe 96 kg në formë çokollate janë sekuestruar brenda një autokamperi që u bllokua në Qafën e Gjashtës në Sarandë.
Policia thotë se autokamperi drejtohej nga një turist italian.
Burime të besueshme të Ora News bënë të ditur se “të nisur nga dyshimet e mjetit agjentët e policisë bënë shoqërimin e automjetit në pikën kufitare të Kakavijës për ta kaluar në skaner. Pas verifikimeve rezultoi se në tavanin e autokamperit ishte fshehur plot 383 kg kanabis, si dhe 96 kg në formë çokollate”
Policia ka vënë në pranga shtetasin italian, Vito Baruceli, ndërsa ende nuk ka informacione në lidhje me këtë sasi droge të kapur në Sarandë.
