Grupi parlamentar i Lëvizjes Socialiste për Integrim ka depozituar në Kuvend një kërkesë për interpelancë me Ministren e Financave dhe Ekonomisë, Anila Denaj.
Shkak për thirrjen e kësaj interpelance urgjente është bërë bllokimi i buxhetit të Bashkisë Skrapar.
“Kërkesa për interpelancë urgjente pasi Dega e Thesarit Skrapar ka bllokuar veprimtaritë financiare. Si pasojë janë bllokuar veprimtaritë financiare për furnizimin me ushqim të konvikteve dhe të çerdheve. Nuk ka financim për pagat e punonjësve dhe furnizimin me ushqim të qendrës për personat me nevoja të veçanta”, shkruhet në kërkesën e LSI, firmosur nga Vasili.
