Në kuadër të aksionit për kapjen e personave me precedentë penalë, ose atyre që mbajnë armë pa leje, blutë e Vlorës janë vënë në lëvizje.
Policia ka ushtruar kontrolle në lokalet e natës, në qytetin bregdetar.
Zyrtarisht blutë e Vlorës ende nuk kanë dhënë detaje mbi aksionin. Burimet bëjnë me dije se janë sekuestruar armë, dhe janë shoqëruar disa persona për verifikime.
Prej disa javësh, forcat speciale të Policisë së Shtetit, por edhe ato vendore, kanë ndërmarrë aksione kontrolli në rrugë e ambiente të tjera, për të goditur paligjshmërinë.
Në fokus janë personat në kërkim, shpërndarësit e drogës dhe ata që lëvizin të armatosur.
