Pas videos ku paraqitet një komisioner i Partisë Socialiste për Vorën ka reaguar edhe Lëvizja Socialiste për Integrim. Sipas nënkryetar të saj, Luan Rama, PS-ja po blen votat me paratë e kanabisit. Ndërsa thekson se ky është vetëm një nga rastet e shumta të denoncuara në morinë e rasteve të tjera, ku është blerë vota me paratë e korrupsionit dhe trafikimit të drogës.
Rama i i bën apel Prokurorisë dhe Ministrisë së Brendshme për të nisur një hetim dhe të zbatohet ligji që parashikon dënimin e shit-blerjes së votës.
‘‘Rasti i denoncuar nga Stop-i është vetëm një rast në morinë e qindra rasteve të rilindasve që me paratë e kanabisit dhe të korrupsionit, tentojnë të blejnë votat e qytetarëve!
Duhet reagim i menjëhershëm nga Prokuroria dhe Ministria e Brendshme për të zbatuar ligjin me rreptësinë më të madhe!’’, shkruan Rama në profilin e tij në Facebook.
