Deputeti demokrat Ervin Salianji, ka publikuar pamjet e drekës së Vangjush Dakos me Avdylajt, pas fitores së zgjedhjeve të blera me paratë e krimit.
Mbrëmjen e djeshme, teksa ka qenë i ftuar në “Studio e Hapur” përballë një paneli gazetarësh, Dako është pyetur në lidhje me përgjimet e publikuara nga “Zëri i Amerikës”. Ai mohoi në mënyrë kategorike që të ketë përdorur bandat, për të blerë votat në zgjedhjet e 2017-s.
I pyetur për lidhjen me vëllezërit “Abdylaj” dhe drekat me to, siç dëshmojnë përgjimet, Dako u shpreh: “S’i mbaj mend”, duke u justifikuar me faktin që në dreka kanë qenë shumë persona.
